Македонската полиција секојдневно спроведува засилени сообраќајни контроли со цел да ги санкционира возачите кои не ги почитуваат сообраќајните прописи.
Една од најчестите причини за сообраќајни незгоди е одвлекувањето на вниманието на возачите, а употребата на мобилен телефон додека се управува возило се смета за еден од главните фактори во оваа категорија. Според истражувања спроведени од реномирани меѓународни организации, расеаноста на возачите е причина за 20 до 25% од сите сообраќајни несреќи.
Според Законот за безбедност на сообраќајот на патиштата, користењето мобилен телефон за време на возење е строго забрането и се санкционира со парична казна. Овој прекршок носи глоба од 40 евра во денарска противвредност, што изнесува 2.460 денари.
