Фото: Принтскрин
Српската полиција, врз основа на информации добиени од колеги од една друга држава, открила дека мажот чие тело беше забетонирано во бунар во селото Шеврљуге, во околината на Косјериќ, а пронајдено во октомври 2023 година, бил државјанин на Хрватска, дознава Курир.
Според неофицијални информации, мажот, кој најверојатно бил убиен, а потоа неговото тело забетонирано, бил познат на полицијата не само во Србија, туку и во други земји.
Според изворот, во процесот на идентификација, кој бил извршен со ДНК анализа, помогнал Интерпол, како и информациите добиени од странска полиција.
– Откривањето на неговиот идентитет дополнително ги зацврсти претходните сомнежи дека смртта на овој човек, чие тело во фаза на распаѓање беше затрупано со бетон во бунар, може да биде поврзана со подземјето – открива извор близок до истрагата и додава дека се очекува српската полиција наскоро целосно да го расветли овој случај.
