Фото: Фејсбук
Веќе речиси два месеци трае неизвесноста и потрагата по 28-годишниот Миле Тодоров од Неготино, чие исчезнување е обвиено со мистерија. Тодоров е евидентиран како исчезнат од 30 јануари годинава, а случајот во полиција го пријавил неговиот татко.
Според информациите, младиот маж кон крајот на јануари ја напуштил својата работа во Кавадарци, по што пеш се упатил кон родното Неготино. Последен пат бил забележан во близина на селото Марена, каде подоцна бил пронајден и неговиот мобилен телефон, што дополнително ја зголеми загриженоста на семејството и јавноста.
„На 30.01.2025 во 18.00 часот во Полициска станица Неготино, Д.Т.(60) од Неготино, пријавил дека од семејниот дом се оддалечил неговиот син М.Т.(28), кој имал здравствени проблеми. Се преземаат мерки за пронаоѓање на лицето“, соопштија тогаш од МВР.
