Двајца македонски државјани го загубиле животот во сообраќајна незгода која се случила во Италија.
Бајрам Бајрамоски (53) од селото Жировница и неговиот пријател Фуат Етемовски (65) ја загубија својата животи во трагична сообраќајна несреќа што се случи во Италија, информира „Шило Магазин“.
Несреќата се случила синоќа, на 25 март, во близина на местото Боскалто ди Лорегија, во областа Тревизо. Според првичните информации од италијанските медиуми, додека се враќале дома по завршеното работно време, нивното комбе, во кое покрај нив се наоѓал и еден државјанин на Босна и Херцеговина, директно се судрило со камион.
Од силината на ударот, двајцата Македонци починале на лице место, а смртта ја констатирала екипата на итната медицинска помош која пристигнала на местото на несреќата. Третиот сопатник, босански државјанин, бил повреден.
