На денешното рочиште за случајот со убиствата на Вања Ѓорчевска и Панче Жежовски, второобвинетиот Велибор Манев беше повикан да даде одговори на прашањата на судијата Ивица Стефановски. Во своето сведочење, Манев детално ја опиша вечерта што му претходела на грабнувањето на Вања.
Тој го повтори својот исказ, објаснувајќи ги сите настани кои се одвивале во часовите пред киднапирањето, вклучувајќи ги договорите и комуникацијата со останатите учесници.
Манев кажа дека кога отишле со „реното“ да го земат „цитроенот“ видел дека во „реното“ има лопата и копач.
„Искрено, ги видов. Ама не знаев за што се“, кажа Манев.
