Пред Кривичниот суд во Скопје, обвинетиот Велибор Манев денеска даде свој исказ во врска со грабнувањето и убиствата на Вања Ѓорчевска и Панче Жежовски. На прашањата поставени од судијата Ивица Стефановски, Манев детално опиша како дошло до планирање на киднапирањата и настаните што следеле.
Во своето сведочење, Манев открива на кој начин заедно со останатите учесници ја разработиле идејата за грабнување, а потоа и како таа трагично завршила со смртта на двете жртви.
„Требаше да се оформува партија и ни фалеа пари. Така се роди идејата за грабнување. Како што кажав претходно, 150.000 евра ни беа ветувани, но откако виде дека не е таа жена, ни рече дека ќе се обиде да извади по 20.000 евра по човек. Се двоумеше Палчо меѓу бивш директор на Гранит и оваа ќерка на фармацевт. Имавме намера да грабнеме едно лице“, рече Манев.
