Синоќа, едно од најпознатите природни чуда во светот – Нијагарините водопади, беа осветлени во боите на македонското знаме, црвена и жолта, во знак на солидарност и сеќавање на жртвите од катастрофалниот пожар што ја зафати Кочани пред една недела. Овој гест на поддршка беше објавен и од канадскиот дневен весник The Star, кој информираше за симболичниот чин.
Во периодот од 21:00 до 21:25 часот по локално време, и од американската и од канадската страна, водопадите беа осветлени со црвени и жолти светла, потсетувајќи на трагичниот настан и изразувајќи поддршка кон настраданите семејства и сите погодени од пожарот во Кочани.
