Лекарите Тања Алексова и Румен Гоцев, дел од тимот на Итната медицинска помош од Софија, беа меѓу првите кои пристигнаа во Скопје за да помогнат при транспортот на повредените лица во трагедијата во Кочани кон болницата „Пирогов“ во Бугарија, пренесе ТВ21.
Д-р Алексова сподели дека потресните сцени од трагичниот настан сè уште ѝ се присутни во мислите. „Сликите ми се вртат низ глава и кога сум будна, и кога сонувам. Вакво нешто не се заборава лесно. Ќе ни треба време да го пребродиме сето тоа“, изјави таа.
Нејзиниот колега, д-р Гоцев, нагласи дека целата операција била беспрекорно организирана уште од самиот почеток. „Сè беше координирано до најситен детаљ. Од моментот кога пристигнавме, секој ја знаеше својата задача. Без хаос, без паника – секој чекор беше јасно определен“, истакна тој.
Видеото може да се погледне ТУКА.
