Трагедијата што се случи во Кочани, кога дискотеката „Пулс“ беше проголтана од оган, остави длабока рана не само во Македонија, туку и на целиот Балкан и пошироко. Во немилата несреќа, животите ги загубија 59 лица, додека повеќе од 160 беа повредени, од кои дел сè уште водат битка за живот.
Меѓу младите животи што згаснаа таа кобна вечер беше и студентката по медицина и активен член на Црвениот Крст во Кочани, Стефанија Соколова. Нејзината смрт ја потресе јавноста, а особено нејзините колеги, пријатели и семејството кои неуморно се надеваа на добра вест.
„Девојко наша, гледај нè одозгора. Помагај им на сите, исто како што правеше овде. Лекувај ги сите со рацете, но и со душата. Тоа е она што го правеше најдобро. Облечи ја твојата носија и танцувај, а ние ќе плачеме, не замерувај ни. Засекогаш ќе сме тажни по тебе“, стои во еден коментар од нејзините пријатели.
