Денешниот ден ја покажа длабоката поделеност на Македонија. Додека илјадници граѓани се собраа на плоштадот во Скопје за да оддадат почит на жртвите од трагичната несреќа, во исто време, низ градот рестораните беа полни.
На едната страна – молк, солзи и транспаренти со пораки за правда. На другата – смеа и полни маси. Оваа слика само ја потврди реалноста во која живееме – земја во која едни ја чувствуваат болката како своја, додека други продолжуваат со секојдневието, како ништо да не се случило.
Ова не е првпат Македонија да биде поделена меѓу оние што бараат промени и оние што избираат да останат рамнодушни. Но, прашањето е – до кога ќе живееме во два различни света? Колку трагедии ќе треба да се случат за сите да сфатиме дека болката на еден народ не смее да биде игнорирана?
