Повредените од пожарот во Кочани утрово со хеликоптерска медицинска евакуација се транспортираат кон Скопје. Досега, во Градската општа болница „8 Септември“ се примени 27 лица со различен степен на повреди, од кои двајца се наоѓаат во исклучително тешка здравствена состојба, пренесе „Канал 5“.
Покрај тоа, во скопскиот Клинички центар се хоспитализирани уште 24 лица, претежно со тешки изгореници.
Поголемиот дел од повредените првично беа пренесени во Општата болница во Кочани, каде тимовите на медицински персонал и натаму вложуваат максимални напори за да им помогнат на пациентите.
Видео: Канал 5
