Голем број загрижени родители од Кочани се обидуваат да добијат информации за локацијата и состојбата на нивните деца.
Најголем дел од повредените лица се згрижени во болниците во Кочани и Штип, каде им се укажува медицинска помош. Неколкумина од потешко повредените пациенти се транспортирани на клиниките во Скопје, каде што добиваат натамошна нега и третман.
„Доколку некој ги видел во некоја од болниците овие лица или во дискотеката во Кочани, нека се јават. Нивните семејства ги бараат. На секоја од сликите има контакт телефон од фамилијата. Нека се рашири што побрзо информацијава, оти нема пострашно за родител да не знае дали чедото му е живо или мртво“, се вели во објавата на социјалните мрежи.
Во продолжение може да се погледнат фотографиите од исчезнатите деца.
