Унгарскиот премиер Виктор Орбан упати силен апел за забрзано членство на Србија и Македонија во Европската унија, нагласувајќи дека овие земји би можеле да бидат примени „уште утре“ без да предизвикаат штета, туку напротив – да донесат значителни економски придобивки.
Според „Јуроњуз“, Орбан истакнал дека Унгарија останува против забрзаното пристапување на Украина во ЕУ, предупредувајќи дека тоа би имало негативни последици врз унгарската економија. Наместо тоа, тој ја повика Унијата да се фокусира на интеграцијата на земјите од Западен Балкан, кои, според него, веќе подолго време ги исполнуваат условите за членство.
– Влезот на Србија во Европската унија може да се случи веднаш и тоа нема да ѝ наштети на ниту една членка. Напротив, тоа би донело значајни економски бенефиции за целата Унија, а особено за Унгарија, која е нејзин сосед. Истото важи и за Македонија и Црна Гора – тие треба да станат дел од ЕУ што поскоро, бидејќи тоа ќе придонесе за економска стабилност и развој – изјави Орбан.
