Младата и перспективна македонска каратистка, Вероника Костовска, уште еднаш докажа зошто важи за една од најталентираните спортистки во својата дисциплина.
Со беспрекорна посветеност и борбен дух, таа изминатата недела блесна на Балканското првенство за сениори, кое се одржа во Будва, Црна Гора, освојувајќи сребрен медал. Со ова достигнување, Костовска се закити со титулата балкански вицешампион, потврдувајќи го својот квалитет на меѓународната сцена.
Веќе овој викенд таа ќе го продолжи својот натпреварувачки поход на Светската Премиерлига во Кина – престижен карате турнир каде што можат да се натпреваруваат само 32. најдобри каратисти во светот во секоја категорија.
Со оглед на нејзината извонредна форма и решителност, нема сомнеж дека ќе даде сè од себе и ќе се обиде да донесе уште еден голем успех за македонското карате.
