Министерството за внатрешни работи соопшти 37-годишен маж извршил насилство врз својата поранешна партнерка и нејзините три малолетни ќерки во раните утрински часови.
Според извештајот на полицијата, инцидентот се случил околу 4 часот наутро, кога осомничениот влегол во домот на 43-годишната жена и физички ја нападнал. Покрај тоа, насилникот оштетил мобилен телефон, ги туркал малолетните ќерки на жената и со цврст предмет ја оштетил влезната врата од нивниот дом.
По пријавата, полициските служби веднаш презеле мерки, а напаѓачот бил приведен истиот ден околу пладне во едно од населените места во општина Петровец. Надлежните органи веќе работат на целосно документирање на случајот, по што ќе биде поднесена соодветна кривична пријава против осомничениот.
