Премиерот на Република Македонија, Христијан Мицкоски изјави дека во државниот буџет не се предвидени средства за субвенционирање на плати, истакнувајќи дека Владата нема планови да преземе финансиска обврска за покривање на придонесите во случај на зголемување на минималната плата.
„Во буџетот не се предвидени дополнителни финансиски средства кои Владата би ги исплаќала за субвенционирање на придонесите, доколку се постигне договор за зголемување на минималната плата од сегашните 24.400 на 30.000 денари“, истакна премиерот.
Тој додаде дека Владата нема да се спротивстави на зголемување на минималната плата, под услов работниците и работодавачите самостојно да постигнат договор и работодавачите целосно да ги покријат трошоците.
