Американскиот претседател Доналд Трамп синоќа одржа говор во Конгресот, при што дел од неговото обраќање беше посветен на царините што ги воведе за Кина, Канада и Мексико, како и на новите тарифи што ќе стапат на сила од април и ќе важат како за „пријателите“, така и за „непријателите“.
Трамп вчера со извршна уредба ги удвои царините на кинескиот увоз, зголемувајќи ги од 10 на 20 проценти, што веднаш предизвика реакција од Пекинг и дополнително ја разгоре трговската војна.
Белата куќа го оправдува зголемувањето на царинските стапки со проблемот на континуирано шверцување на фентанил од кинеско производство во САД.
„Ако САД сакаат војна – било да е царинска трговска војна или било каква, ние сме подготвени да се бориме до крај“, објави кинеската амбасада.
