Фото: Принтскрин
Американскиот претседател Доналд Трамп ќе биде номиниран за Нобелова награда за мир, објави денеска конгресменот од Калифорнија, Дарел Иса. Тој најави дека лично ќе ја поднесе кандидатурата, истакнувајќи дека Трамп е достоен кандидат за ова престижно признание.
„Никој не ја заслужува повеќе оваа награда“, изјави кратко Иса, поддржувајќи го предлогот.
Во меѓувреме, државниот секретар Марко Рубио го бранеше пристапот на Трамп во посредувањето за договорот меѓу Русија и Украина. Тој нагласи дека доколку ваква иницијатива доаѓаше од претставник на Демократската партија, тогаш јавноста ќе ја оценеше како достојна за Нобеловата награда.
„Да беше некој од демократите на негово место, сите ќе зборуваа дека е на пат да ја добие Нобеловата награда за мир“, изјави Рубио.
