Сојузот на синдикати на Македонија (ССМ) денеска официјално упати барање за зголемување на минималната плата за дополнителни 6.000 денари, нагласувајќи ја потребата од подобрување на животниот стандард на работниците.
Како што соопштија од ССМ, овој предлог ќе биде доставен до Владата, Организацијата на работодавачите и до пратениците, со надеж дека ќе добие поддршка од сите засегнати страни.
„Апелираме до Владата и работодавачите да го прифатат овој предлог, а од пратениците очекуваме да покажат исто таква согласност како што ја покажаа за нивните патни трошоци. Зголемувањето на минималната плата за 6.000 денари ќе придонесе за раст и на останатите плати во земјата, што ќе значи поголема куповна моќ за граѓаните. Ако некој одлучи да биде безобразен, ќе бидеме двојно безобразни, ако некој одлучи еднострано да ја отфрли иницијативата или предлогот за зачувување на животниот стандард на работниците, еднострано можеме да донесеме одлука за штрајк“, истакна Трендафилов.
