Саша Поповиќ, основачот на „Гранд продукција“ и една од највлијателните личности во балканската музичка индустрија, почина денес на 70-годишна возраст по кратко и тешко боледување, соопшти „Гранд продукција“.
Неговото име останува длабоко врежано во историјата на регионалната естрада, како човек кој создаде, обликуваше и поддржа многу музички кариери.
Поповиќ со децении наназад соработуваше со легендарната пејачка Лепа Брена, со која го поврзуваше не само професионален однос, туку и длабока семејна и пријателска врска.
„Ова е огромна загуба за сите нас. Пред сè, бевме кумови, пријатели, а потоа и деловни партнери кои секогаш си стоеја зад зборот. Саша беше човек кој остави неизбришлива трага и кој несебично се вложуваше во сè што правеше. Требаше да ужива во плодовите на својот труд, но судбината одлучи поинаку. Ова е тежок удар за сите нас“, изјавија Брена и Боба за „Блиц.рс“.
