Според ставот на Македонската православна црква, носењето на таканаречената „мартинка“ – нараквица или украс изработен од црвен и бел конец, со верување дека носи здравје и среќа – не е во согласност со православното учење.
Црквата нагласува дека верата и суеверието не можат да се мешаат, бидејќи, според христијанското учење, не може истовремено да се има доверба во Бога и во предмети на суеверие.
Свештените лица потсетуваат дека, според христијанското учење, човекот не може да служи на два господари – или ќе му служи на Бога или ќе се потпира на суеверија.
„Носењето мартинка е суеверен и магиски обичај, а со тоа и демонски обичај, затоа што луѓето што ги носат веруваат дека мартинките, откако ќе ги стават на себе на први март, не смеат да ги извадат сè до доаѓањето на пролетта и доаѓањето на ластовичките (или штрковите) и сè додека да расцути првото дрво“, велат од црквата.
