Познатата телевизиска водителка Лила Филиповска, која пред неколку години храбро се избори со ракот на дојка, повторно се огласи на социјалните мрежи, искрено споделувајќи детали за својата здравствена состојба.
Откако успешно ја надмина тешката болест, Лила редовно оди на лекарски контроли, придржувајќи се кон сите препораки за одржување на своето здравје.
Овој пат, резултатите повторно беа охрабрувачки, а Лила со олеснување ја сподели радосната вест со своите следбеници на Инстаграм.
„Не секоја бура доаѓа да направи хаос, некоја ти ги расчистува патиштата. Денес чист пет-скен пријатели мои, животот е поубав. Само сакав да споделам и да потсетам да уживаме во животот што ни е даден за што понекогаш доцна сфаќаме.. Бидете ми здрави и живи“, објави Лила.
