Останува неизвесно дали синдикалните барања за минимална плата од 30.000 денари ќе бидат реализирани, како и кога ќе се постигне договор со работодавачите. Исто така, не е познато дали Владата ќе прифати субвенционирање на придонесите.
Сепак, со оглед на тоа што март е веќе на повидок, јасно е дека промени ќе има, но тие ќе се одвиваат согласно законското усогласување со порастот на трошоците за живот и просечната плата.
„Очекуваното зголемување изнесува 1.739 денари, што значи дека минималната нето-плата од следниот месец ќе достигне 24.379 денари“, стои во објава на даночниот експерт Павле Гацов на Фејсбук, објави „Пари.ком.мк“.
