Фото: Принтскрин
Украинскиот претседател Володимир Зеленски изрази оптимизам дека почетниот договор со САД за минерали би можел да отвори пат за идни соработки, но нагласи дека сè уште не се постигнати конкретни безбедносни гаранции.
Зеленски го спомена концептот на заеднички фонд во кој би се вложувале 50% од приходите од украинските природни ресурси, но истакна дека во овој момент „сè уште е рано да се зборува за финансиските аспекти“.
– Сакав во договорот да биде вклучена формулација што ќе гарантира безбедност за Украина, и тоа ми е од големо значење – изјави Зеленски, потенцирајќи дека овој елемент останува приоритет во преговорите.
Осврнувајќи се на претходните изјави на Доналд Трамп, според кои Украина треба да ги врати милијардите долари воена помош, Зеленски даде јасен одговор: „Нема да вратиме ниту 10 центи.“
Дополнително, украинскиот лидер најави дека, доколку во петок ја посети Белата куќа, ќе постави директно прашање до американската администрација – дали поддршката за Украина ќе продолжи или не.
