Вечерва, околу 20:00 часот, на регионалниот пат Битола-Прилеп, во близина на местото „Беровци“, се случила тешка сообраќајна несреќа, при што според неофицијални информации, едно лице го загубило животот.
Авто-мото сојузот на Македонија (АМСМ) извести дека од 20:10 часот, поради сериозноста на несреќата, сообраќајот на овој дел од патот е пренасочен по стариот пат кај бензинската пумпа.
Во моментов, надлежните служби се на терен, а полициски екипи вршат увид за да се утврдат околностите под кои се случила несреќата. Министерството за внатрешни работи (МВР) најави дека наскоро ќе излезе со повеќе информации за настанот.
