Рано утринава, на 25 февруари 2025 година, во 03:30 часот, во Секторот за внатрешни работи Скопје било пријавено сообраќајна несреќа што се случила на улицата „Лазар Личеноски“ во Скопје.
Според првичните информации, патничко возило од марката „Шевролет Спарк“ со скопски регистарски ознаки, управувано од 17-годишен малолетник, излетало од коловозот под засега неутврдени околности.
Во несреќата сериозни телесни повреди здобиле двајца малолетни сопатници, додека возачот и уште еден сопатник поминале со полесни повреди. Сите повредени биле итно пренесени во Градската општа болница „Св. Наум Охридски“, каде што им била укажана медицинска помош и биле констатирани нивните повреди.
