Вечерва во скопската населба Кисела Вода избувна голем пожар во стан. Огнот брзо се проширил, но благодарение на брзата реакција на противпожарните екипи, ситуацијата била ставена под контрола.
Според првичните информации од терен, пожарот зафати стан во зграда лоцирана во близина на Општина Кисела Вода, на улицата „Петар Дељан“ бр. 5, а пожарникарите од станот спасиле две повозрасни лица, кои се испратени на понатамошно лекување.
Пожарникарите на самиот крај од акцијата за гаснење на опожарениот стан успеале да го извлечат и кучето кое се наоѓало во истиот.
Според последната изјава на противпожарната бригада, има вкупно тројца повредени граѓани и еден пожарникар во пожарот во Кисела Вода.
