Зеленски бара помош: Путин е слаб и лаже, мора да го искористиме тоа

Украинскиот претседател Володимир Зеленски доби силен аплауз од европските лидери за време на неговото обраќање на безбедносна конференција во Минхен на 15 февруари.

Во своето излагање, тој повика на формирање на „европска армија“, истакнувајќи ја потребата од поголема воена интеграција на европските земји.

Дополнително, Зеленски ги коментираше промените во односите меѓу Европа и САД во контекст на вториот претседателски мандат на Доналд Трамп, нагласувајќи ја важноста на заедничката стратегија.

„Путин лаже. Тој е предвидлив и слаб. Мора да го искористиме тоа веднаш. Мора да реагираме како Европа, а не како посебни луѓе. Некои велат дека новата година не почнува на 1 јануари, туку на безбедносната конференција во Минхен. Оваа нова година почнува сега. Нека биде година на Европа. Обединета, силна, безбедна и мирна. Мир за Украина, Европа и цел свет“, напиша Зеленски.