Ѕвездата на Лос Анџелес Лејкерс, Лука Дончиќ, покажа голема хуманост со донација од 500.000 долари за поддршка на граѓаните погодени од катастрофалните шумски пожари кои неодамна ја зафатија Јужна Калифорнија, вклучително и градот Лос Анџелес.
„Длабоко сум потресен од сликите и вестите за разорната штета што ја предизвикаа пожарите во Лос Анџелес. Особено ми е тешко кога ќе помислам на децата кои преку ноќ останаа без своите домови, училишта и игралишта каде што поминуваа безгрижни моменти со пријателите. Затоа, преку мојата фондација, донирам 500.000 долари за поддршка на итната помош и закрепнување. Не сте сами, заедно ќе ја надминеме оваа криза. Со почит, вашиот нов сосед, Лука Дончиќ“, објави словенечкиот кошаркар.
Со овој гест, Дончиќ уште еднаш покажа дека, покрај неверојатниот талент на теренот, има и големо срце, подготвено да им помогне на оние на кои им е најпотребно.
