Во Македонија постојано се собираат донации за лекување на болни лица, а една од фондациите каде што може да се направи тоа е „ECrowd.mk“.
Доктор Ненад Лазаров објави статус на неговиот профил на социјалните мрежи ии посочи дека ниту еден политичар од Собранието на Република Македонија досега нема донирано за болните дечиња.
„Ниеден пратеник од Собрание на Република Македонија до сега нема донирано за болните дечиња за кои Фондација ECrowd.mk се бори заедно со родителите и народов!
Гледам сега вртоглави суми за патни трошоци се земаат и понатака,
добро БЕ,
нели ви е само малку барем срам на сите до еден, познати и непознати, илјадници евра да искеширате, нели ви е брука глава да вртите на апели за помош?
4 години возиме бесплатни домашни посети низ Скопје, исто така еден денар поддршка и помош, 5 литри бензин да помогневте и 2 завои,
каква ви е таа душа а сигурно секојдневно ги гледате апелите за донации?
И треба ли од такви ко вас да очекуваме дека за народ се грижите?
Јас ќе ви кажам, срам ми е од секој еден од вас“, објави доктор Лазаров.
