Обвинетиот Фадил Зејнелов го призна делото на почетокот на судењето за убиството на 29-годишната Емилија Пешева од Штип
Судијата Сашко Ѓоргиев го праша дали се чувствува виновен, по што Зејнелов потврди и призна дека ја убил Емилија.
Таткото на убиената Емилија во изјава за медиумите нагласи дека обвинетиот ја манипулирал и ја искористувал својата ќерка.
„Ѝ ги трошеше парите во казино. Обвинителството убаво кажа, максималната да биде доживотно. Сега судот треба да го прифати тоа. Ние ќе се бориме доживотно да биде осудено лицето, монструмот што ни ја утепа ќерката“, кажа таткото на Емилија.
