Фото: Принтскрин
Претседателот на САД, Доналд Трамп, разговарал телефонски со рускиот лидер Владимир Путин со цел да се обидат да преговараат за завршување на војната во Украина, откри првиот човек на Америка за „Њујорк пост“ во ексклузивно интервју.
„Подобро да не ја кажам вистината“, одговорил Трамп на прашањето колку пати двајцата лидери разговарале. Според него, Путин е „загрижен“ за страдањата на луѓето во Украина.
„Тој сака да престанат да умираат луѓето таму. Сите тие загинати луѓе, млади, убави луѓе. Тие се како вашите деца, два милиони и без причина умираат. Тригодишната војна никогаш не би се случила ако бев претседател во 2022 година. Секогаш имав добри односи со Путин, за разлика од мојот претходник. Бајден е срам за нашата нација“, кажа Трамп.
Американскиот претседател изјави дека има конкретен план за завршување на војната.
„Се надевам дека мирот ќе дојде брзо. Секој ден умираат луѓе. Оваа војна во Украина е толку лоша. Сакам да ја завршам оваа проклета работа“, посочи Трамп.
