На денешната прес-конференција на адвокатот на Васил Јованов присуствуваа и неговите родители.
Мајката на Јованов, Ана со солзи во очите изрази сочувство до семејството на Фросина Кулакова.
„Сакам да изразам најдлабоко, најискрено, најдлабоко мајчинско сочувство особено до мајката на Фросина. Само мајка може да разбере како ѝ е на другата мајка. Загубата е ненадоместлива и непрежалива. Како што кажа сопругот, таа вечер се зацрнија два дома. Бремето од оваа ситуација ќе остане да тежи до крајот на нашите животи, на целото наше семејство. Мислам дека само тој што има дете би требало за миг да може да се стави и во нашата кожа и да претпостави колку е страшно, колку е болно и каков товар е ова. Секој ден се молиме на Бога за семејството на Фросина да има сила да ја издржи оваа загуба и смирение да ја прифати. Како мајка стојам на располагање на другата мајка ако со било што можам на било каков начин да се најдам во овој претежок период. Васил по игра на случајот е наше единствено дете. Имавме друго кое почина на свои 23 часа живот, рече Ана Јованова.
