Семејството на обвинетиот Васил Јованов, кој ја прегази Фросина Кулакова на булеварот „Партизански одреди“, денеска изрази сочувство до семејството на Фросина.
Таткото на Васил, Зоран Јованов кажа дека никогаш досега не реагирал кај никого за син му да добие помала казна, иако веќе има многу прекршоци и нема возачка дозвола.
„Ние сме фамилија на која приходите исклучиво им се од плата. Не сме богата фамилија, уште помалку влијателна и немам никаде и кај никого интервенирано за било какво намалување на казните на син ми. Немаме други станови во Скопје. Судијката на случајот воопшто не ја познавав претходно, ја видов во судница. Од аспект на родител не направив ама баш ништо за Васил да поминува неказнет низ системот како што беше кажано. Тоа најодговорно го тврдам, пред Бога и пред вас. Најдлабоко сочувство до семејството на родителите“, кажа таткото на Васил.
