Договор за минималната плата не беше постигнат, но беше договорено дека ќе се креира официјална потрошувачка кошница, која ќе биде резултат на соработката меѓу синдикатите, Државниот завод за статистика, Организацијата на потрошувачи, како и министерствата за економија и финансии.
Ова беше договорено на денешната седница на Економско-социјалниот совет (ЕСС) која се одржа во Владата.
Претседателката на Организацијата на работодавачи, Владанка Трајкоска, изјави дека телото кое ќе ја креира официјалната потрошувачка кошница најверојатно ќе биде формирано на следната седница на ЕСС.
Пред одржувањето на седницата, работодавачите најавија дека е можно минималната плата да биде повисока од 450 евра, доколку Владата реши да субвенционира дел од придонесите за работниците.
