На 31 јануари 2025 година, во 17:30 часот, полициски службеници од СВР Скопје пронашле и привеле 42-годишната С.В.М. од Скопје, поради нејзино учество во сообраќајна несреќа што се случила истиот ден околу 14:00 часот.
Полицијата соопшти дека инцидентот се случил на крстосницата меѓу булеварот „Кузман Јосифоски Питу“ и улицата „Бојмија“, каде што осомничената, управувајќи патничко моторно возило марка „Цитроен“, удрила во 38-годишниот пешак А.М. од Скопје. По несреќата, наместо да му пружи помош на повредениот, таа го напуштила местото на настанот.
„А.М. со возило на Итна медицинска помош бил пренесен во Комплекс клиники „Мајка Тереза“ каде му се констатирани телесни повреди. По наредба на јавен обвинител С.В.М. е задржана во полициска станица и против неа ќе биде поднесена кривична пријава по брза постапка“, соопшти МВР.
