Два дена по трагичната несреќа во која 22-годишната Фросина Кулакова го загуби животот на пешачки премин во центарот на Скопје, на социјалните мрежи се шири повик за протест.
Граѓаните повикуваат на мирен протестен собир денес во 13 часот на местото на несреќата, на булеварот „Партизански одреди“ во близина на Универзалната сала.
Дополнително, во родниот град на Фросина, Неготино, ќе се одржи протестен собир од 15 часот.
„Долгогодишната неказнивост, институционалната негрижа и структурното насилство не само што ни ги одземаат можностите во образованието, туку резултираат и со трагедии што не можат да се преболат. Оваа неправда нема да остане без одговор!
Ги повикуваме сите студенти утре во 13:00 часот пред Силбо. Затоа што вака се чувствуваме небезбедни. За нашата колешка Фросина. За сите нас“, велат од Студентски отпор.
