Идентификувана е девојката која го загуби животот во сообраќајната несреќа што се случи на булеварот „Партизански одреди“ во Скопје. Станува збор за 22-годишната Фросина Кулакова од Неготино, студентка на Интернационалниот институт за мода „Изет Цури“ во Скопје.
Несреќата се случила синоќа во 23:43 часот, кога возило од марката „Пежо 207“ со скопски регистарски ознаки, управувано од 20-годишниот В.Ј. од Скопје, удрило во девојката додека таа се движела како пешак.
За жал, од здобиените повреди младата девојка починала на самото место. Министерството за внатрешни работи соопшти дека истрагата е во тек, а надлежните служби работат на утврдување на сите околности поврзани со трагичниот настан.
