Денеска беше објавен оглас за избор на концесионер кој ќе управува со комплексот „Македонско село“, лоциран на падините на Водно, во близина на селото Нерези.
Овој туристичко-етнографски комплекс опфаќа 12 автентични македонски куќи, во кои се прикажуваат традиционални занаети, а дел од објектите се уредени како хотелски соби и угостителски објекти.
Избраниот закупец или повеќе закупци ќе имаат обврска да го оспособат комплексот за работа и да ги извршат сите неопходни подготовки со цел неговото повторно отворање за посетители на 1 јуни 2025 година.
Почетната цена за закуп на целиот комплекс изнесува 240.000 денари месечно, додека за поединечните делови изнесува 44.529 денари, 49.868 денари, 54.839 денари и 91.575 денари, зависно од големината и намената на просторот.
