Претседателот на Србија, Александар Вучиќ, на својот профил на Инстаграм сподели порака со силна и решителна содржина.
„Предавањето никогаш не било, ниту ќе биде опција за Србија. Ќе се бориме и ќе извојуваме победа,“ напиша Вучиќ, пренесува Телеграф.
Оваа изјава доаѓа во време на политички промени, откако Милош Вучевиќ поднесе оставка од функцијата премиер, со што српската влада сега функционира во технички мандат. Согласно српскиот Устав и законите за Владата и Претседателот, во моментот се разгледуваат две можни сценарија за идниот развој на ситуацијата.
