Автобус на Јавното сообраќајно претпријатие (ЈСП) целосно изгоре додека се движел во близина на кружниот тек во Сопиште. Според информациите, во автобусот имало десетина патници, но за среќа, нема повредени лица.
Патничка во изјава за „Сител“ вели дека огнот најпрво бил забележан од возач на комбе кое се движело позади автобусот. Тој веднаш го предупредил возачот на автобусот за настанатата ситуација.
„Возачот вика гориме. Се создаде паника. Почна да чади, имаше пламен. Среќа на возачот му текна одма да ги отвори вратите и излеговме веднаш. Беше многу тесно. Една жена падна пред нас. Ние врз неа. Само што излеговме се слушна едно четири-пет пати како бомбиСтрашно беше. Се возиме со автобуси крш. Колку пати на сред пат нè оставаат на пат, а сега и живи ќе изгоревме. Нозете ми се фатија, едвај излегов“, вели патничката.
Видео: Сител
