Фото: Принтскрин
Aмериканскиot претседател Доналд Трамп, преку својата платформа „Truth Social“, издаде директен ултиматум до Русија, повикувајќи ја да ја прекине војната во Украина и да склучи мировен договор. Во спротивно, тој најави дека Русија ќе се соочи со дополнителни санкции и високи царини на извозот кон САД и други земји.
„Јас го почитувам рускиот народ и отсекогаш сум имал добри односи со претседателот Путин. Русија играше клучна улога во победата во Втората светска војна, иако плати огромна цена со милиони загубени животи“, вели Трамп на почетокот на неговата порака.
Трамп нагласи дека неговиот став не е насочен кон нанесување штета на Русија, туку кон прекин на, како што ја нарече, „бесмислената војна“, која според него само ќе се влошува.
„Сега е време за акција. Договорете се и завршете ја оваа војна! Со тоа ќе ѝ помогнеме на Русија, чија економија веќе е во сериозна криза. Ќе воведам високи царини и санкции на секој производ што Русија го извезува во САД и други земји. Ова не е закана, туку неопходна мерка за справување со ситуацијата“, истакна Трамп.
