Македонската ракометна репрезентација очекувано триумфираше над Гвинеја со убедливи 29-20 во последниот натпревар од првата фаза на Светското првенство (СП) што се одржува во Вараждин.
Противникот од Африка успеа да пружи отпор само во првите дваесетина минути, кога македонските ракометари делуваа лошо на теренот. Гвинеја дури и поведе со 7-6, но тоа како да ги разбуди „жолто-црвените“.
Следеше серија од 7-1, која резултираше со значителна предност од 13-8, по што македонската репрезентација продолжи сигурно да го зголемува водството до самиот крај на натпреварот.
Капитенот Филип Кузмановски повторно блескаше на теренот, постигнувајќи дури 12 голови, што го направи најпрецизниот играч во нашиот тим.
Македонија со оваа победа го потврди пласманот во втората фаза, каде ќе продолжи од третата позиција во групата, носејќи еден бод од ремито со Унгарија.
