Според информациите од Министерството за внатрешни работи (МВР), македонската полиција денес го приведе Раде Трајковски, познат под прекарот Штекли, врз основа на Наредба издадена од Основното јавно обвинителство за гонење на организиран криминал и корупција.
Неколку македонски медиуми објавија дека апсењето се случило во попладневните часови, во близина на еден хотел во околината на Гевгелија.
Се наведува дека Трајковски бил приведен во моментот кога наводно се обидувал да побегне. Според достапните податоци, тој е под истрага поради сомневање за вмешаност во трговија со дрога.
