Македонската група „ДНК“ активно се приклучи кон иницијативата за обезбедување финансиски средства неопходни за лекување на 16-годишната Ана Радевска, која се бори со ретка и сериозна здравствена состојба.
Ана е средношколка во СУГС „Орце Николов“, а итноста на нејзината здравствена ситуација ја мобилизираше јавноста, поттикнувајќи многу граѓани, компании и институции да се вклучат во оваа хуманитарна акција.
„Драги Наши,
По објавата на социјалните мрежи, веднаш стапивме во контакт, отидовме на гости и лично ја запознавме Ана Радеска на која што во моментов сме и многу потребни. 
Ана има 16 години, ученик при средното училиште “Орце Николов”, прекрасно и воспитано девојче кое е во најубавите тинејџерски денови и кога освен на дружење, школо и симпатии не би требало да се замара со ништо друго. За жал животот и приредил непланирана “препрека” која сме убедени дека сите заедно сплотени ќе ја поминеме без никаков проблем!
Дијагностицирана и е ретка болест “Arnold – Chiari Mafirmation” за чија интервенција се потребни 37.000 евра, која треба да се случи во Бамберг (Германија) најдоцна до крајот на февруари.
Заедно со Ана од срце ве замолуваме да бидете хумани за што поскоро да се заврши целиот процес и Ана повторно да биде безгрижна и да се “замара” со работи кои на нејзини години треба да и бидат секојдневие.
Како ДНК дониравме 30.000 денари (за жал толку можевме и толку дозволува нашиот буџет 
), но веруваме дека секој еден од вас кој е во можност би можел да сврти барем еднаш на телефонските броеви и да ја сподели информацијата за да ги собереме потребните средства“, објавија од „ДНК“.
Броевите за донации:
Телеком – 143 115
А1 – 143 479
Трансакциска сметка за донации:
СТОПАНСКА БАНКА
АЛЕКСАНДРА РАДЕСКА
200001580828877
IBAN: MK07200001578950084
SWIFT: STOBMK 2X
Контакт Телефон:
Сашка 071 228 495
