Македонската ракометна репрезентација одигра одличен меч против Унгарија на стартот на Светското првенство (СП), но за жал на крајот освои само бод (27-27).
Избраниците на Кире Лазаров уште во првото полувреме покажаа храброст против големиот фаворит и имаше предност од 13-10, но Унгарија успеа да израмни на 14-14 на полувреме.
Во второто полувреме продолжи драмата и се играше гол за гол до самата завршница, каде што на крајот мечот заврши без победник (27-27).
Кузмановски беше одличен и постигна 10 голови, додека Митревски запиша 12 интервенции за Македонија.
Во првиот меч од нашата група, Холандија ја прегази Гвинеја со 40-23.
