Ако ограничувањето на брзината е 50 км/ч, а вие возите со 80 км/ч, или ако семафорот е веќе жолт, а вие се обидувате да „фатите“ зелено со притискање на педалот за гас – казната ќе ве стигне. Не само што ќе добиете порака, туку ќе ја најдете и во вашето поштенско сандаче.
Секој обид за избегнување на одговорност преку јавување на познати или пријатели ќе биде залуден, бидејќи системот функционира автоматски и нема контакт број за интервенции.
Камерите од системот „Безбеден град“ (Safe City) ќе покриваат околу 100 булевари, крстосници и улици – од најголемите сообраќајни артерии до помали сообраќајници.
Според податоците, 90 проценти од инсталацијата и поставувањето на опремата веќе се завршени. За помалку од два месеци, полицијата планира целосно да го имплементира овој напреден систем за надзор, кој ќе овозможи постојан мониторинг на сообраќајните прекршоци.
