Многу жители од Балканот се пресели во Европска унија во потрага по подобар живот, но не се сите најсреќни. Некои ќе ви кажат дека платите се високи во Германија, Швајцарија и други земји, меѓутоа и трошоците се поголеми.
Еден корисник на социјалните мрежи неодамна објави детална пресметка за својата месечна заработка и трошоците за живот во Германија. Според неговата објава на Инстаграм, тој заработува 2.200 евра месечно. Од оваа сума, 700 евра одат за кирија, 200 евра за автомобил, 50 евра за гориво, 400 евра за храна, 300 евра за отплата на кредит и осигурување, 100 евра за мобилен телефон, додека 200 евра се трошат за други разни потреби. По сите овие трошоци, според неговата пресметка, му остануваат само 250 евра за дополнителни потреби или заштеди.
Ова кратко видео за месечните примања и трошоците за живот предизвика огромен интерес, собра над 1.000 коментари и отвори полемика на социјалните мрежи. Коментарите се движат од една крајност до друга. Некои тврдат дека „во Германија е многу тешко да се живее“, додека други го оспоруваат изнесениот буџет, прашувајќи се како е можно толку пари да се трошат на кредити и други издатоци.
Се чини дека темата за трошоците за живот во развиените земји на Европа секогаш предизвикува различни реакции, бидејќи искуствата и потребите на секој поединец значително се разликуваат.
