Прекрасна вест ни доаѓа од Охрид, односно од трговската компанија „Тамаро“, која е основана во далечната 1997 година.
„Тамаро“ изненади тројца вработени со најдолг работен стаж со подарок автомобили и паричен ваучер.
Билјана Стевановиќ е дел од „Тамаро“ фамилијата – 22 години. Таа започна со работа во 2003 година, на позиција агент за продажба, за подоцна да биде унапредена во материјален книговодител. Следната позиција беше прв менаџер на „Тамаро 7“ хипермаркетот, каде подоцна ја замени Благица Ситникоска. Во моментов, Билјана е главен менаџер за продажба во „Тамаро“.
Билјана Лолеска започна со работа во 2002 година, на позиција агент за продажба, а во моментов е главен менаџер на „АМ“ магацинот во склоп на „Тамаро“. Лидерските способности, колегијалноста, истрајноста, лојалноста се само дел од нејзините вештини со кои многу луѓе ги обучила да станат вредни и одлични работници.
Горан Манев започна со работа во 2003 година. Веќе е дел од тимот 22 години. Тој започна на работна позиција магационер, додека неговиот успех во работата го донесе да биде главен магационер на замрзната роба во комори. Сега работи како контролор на прием на роба во „АМ“ магацинот.
