Во пресрет на големите христијански празници, се организира најголема хуманитарна акција за поддршка на ранливите категории на нашето општество. Во време кога домашните буџети се истрошени, а месеците што следат се еден од најтешките периоди за многу домаќинства, нашата акција има за цел да обезбеди помош за најзагрозените.
„Денес, благодарение на соработката со општествено одговорни компании, подготвивме и ќе распределиме повеќе од 400 хуманитарни пакети, кои содржат основни прехрамбени производи. Пакетите ќе бидат подели на најпогодените семејства во општина Бутел, кои се соочуваат со најголеми социјални и економски предизвици“, објави градоначалникот на Бутел, Дарко Костовски.
Хуманоста не познава бариери – таа значи помагање во секој момент, секому, без разлика на верска, етничка или национална припадност. Оваа акција е мал, но значаен чекор кон тоа да бидеме поединци и заедница кои го негуваат духот на солидарноста и поддршката во најтешките моменти.
